Nikolay Baboglu’nun 85ci yıldönümü

  

  Nikolay Baboglu anılmış yazıci, pedagog. Doğdu 1928ci yılda bir çiftçi aylesindä Tatar-Kıpçak küüyündä, Taraklı rayonunda. 1950ci yılında başarar Kahul pedagoji okulunu, taa sora başarăr Kişineuda devlet universitetini moldovan dilin fakultetini. Çok yıl üüredici, sora şkola direktoru Kıpçakta hem Kongaz küüyüdä işledi. Bu adam elli yıldan zede üüredicilik uurunda çalıştı.

 Kişineua gecip on yıldan zeyde Moldova yazarlar birliyindä, gagouz bölümün başkanı oldu.

90ci yıllarda Moldova Öğretmek Ministerliyinde bakan yardımcısı işledi. Öğretmek işler için 1968de Nıkolay Baboglu’ya verildi Devlet medali: „За трудовую доблесть”.

 Baboglu’nun yaratmak yolu çok uzun. Yazmaa başladı 40ci yıllarda. O literatura dünyasına girdi annatma, piesa hem piyet yazısınnan. Kimi pietleri basıldı toplumda “ Bucaktan seslär” hazırlayan D.Tanasoglu. Sora 1968 yılda Baboglu’nun  „Folklor” kiyadı basıldı. Piyet  kiyatları basıldı: „Tarafımın piyetleri”, „Güz çiçekleri” hem başka. Baboglu’nun yaratmaları başka dillere çevirildi, hem çeşitli devletlerde yayınnandı.

  Moldova hem  SSSR ın yazarlar birliklerin azınnığı oldu.  Nikolay Baboglu’ya çalışmaları için Moldova devletinden verildi “ Meritul civik” medali hem Gagauz yerin „Şanlı vatandaşı” oldu.

Açin, açin, çiidemnär!

Açin,açin, çiidemnär,

Neçin çok uyudunuz?

Biyaz yorgan altında

Tatlımıydı uykunuz?

Açin,açin, çiidemnär-

Uşakların bakışı.

Çiidemnär, siz çiidemnär.

Uzak braktınız kışı...

                                                               Çiidemnär, siz çiidemnär

Yılın sabaası açık,

Geldii gibi turnelär,

Geldi sıcak hem saalik.

Açin,açin, çiidemnär,

Açın her yılın sonsuz,

Gelsin-gitsin turnelär,

Göklär olsun bulutsuz.