"Mihail Çakır" bibliotekasında bu sefer gagouzları bir araya getirdi bilinir yazar Dmitriy Kara Çoban, angısı tamamnaıcıydı 27 maista 80 yaşını. Bu gözel akşama katıldılar kim bildi kim da belki bilmedi Kara Çobanı, ama saygı duyarak böyle bir aydın adama angısı braktı gagouz halkına paasız bir baaşış, angısının zamannan paası hiç ta olamaz. Elbetki laf gider Beşalma küyüde müze için angısını kurdu hem onun için topladı gezip küyülerde pek çok unikal exponatlar angıların büün zor taa paalarnı koymaa. D. Kara Çoban 20 yıl üstüne işledi direktor bu müzeyde.
Kendi bilgilerni hem duygularını bizimle paylaştı sayın M. Mercanka angısı çok yakından bilerdi Kara Çobanı çünkü ondan çok işler üürenmiş, üürenci olarak. Kendi anılarınnan paylaştı prof. V. D. Karagançu hem okudu şiirini angısını baaşlamış D. Kara Çobana. Söz aldılar K. D. Sırf, S. Z. Koca, M. V. Kornienko h.b. Hepsimiz bir fikire geldik ki D. Kara Çobanın yaşamasını hem yaratmalırını läzım bilmee, brakmamaa bilmemezlee, zere onnar kulturamızda, literaturamızda da sayımnıdırlar hem faydalıdırlar. Var faydalı hem sayımnı biografiya notları. Böyle akşamnar läzım nasıl yaşlı insanlara öyle da genç evlad boylara, angıları ileri dooru umut ederiz dilimizi, tarihimizi, kulturamızı, literaturamızı yaşadacaklar.
Niciun comentariu:
Trimiteți un comentariu