O YILDIZA...
O, yıldıza,
ani duumuş,
Yolu öyla
uzundu,
Binnärlan yıl
läzım olmuş;
Şafkı
bizi bulsundu
Beki çoktan
yolda sündü
Navi
uzaklarda ki,
Şılağı salt
şindi süründü
Güzümüzä
bizim ki.
Ölmüş yıldız
- ikona taa
Gökä yavaş
çilarkan;
O vardı
görünmäzkan taa,
Göreriz büün
o yokkan.
Öylä hep
sevdamız açan
Gecey’çindä
bitmişti,
Sünmüş duygu
şafka uçan
Bizi izlar
taa şindi.
O, Anam
O, anam,
tatlı anam sän tatlı zamannardan
Yaprak fısırdasından sana çardın çoktan;
O kararmış yıllarlan mezar da üstünä
Salkım ğüz lüzgerinnan yaprak hep silkinä,
Düyüner yavaş dallarlan senin sansın sesin,
Durmaz düynür yıllarlan, durmaz uyur tenin.
Açan ölärim bän da aalama
başımda,
Sevdam flamur aacımı, bir dal
salt kır ondan
Da basımda özneklän dalı alıp sapla,
Ko üstünä düşsün hem gözlerindän
yaşlar;
Duyarım nezaman-sa gölgä bare biraz,
Durmaz büyüyar yıllarlan, uyarım bän
durmaz.
Ama eer razgelirsä birdän biz ölelim,
Götürmesin ko kimsey şan mezarla, deylim;
Mezar ko kazsınar salt derä-su boyunda
Hem ko koysunnar taa
iyidir bir tabudumuzda;
Ömürünä yakın sän, makar ki
duyulmaz,
Durmaz aalar derä mi, uyarız biz durmaz.
UYKULU KUŞLAR
Uykulu kuşlar
gelerlär,
Yuvalara toplanarlar,
Dallara tä
erleşerlär
İyi geceler!
Çeşmelär sade
şırlaarlar,
Kara dağ
sessiz durarkan,
Çiçeklär da
hep uyuyorlar,
Raat
uyuyorlar.
Bir kugu-kugu
geçärdi,
Sazlara üzüp
yatmağa ki,
Ayozlar yakın
gelärdi
Tatlı düş ki.
Gecelär büülü
olarlar,
Ay telleri
gümüşleerlar,
Her erlär
raatlık dolarlar
İyi gecelär.
